港大港永續

  上一篇文章
下一篇文章  
永續鄉郊
【#永續活動推介：下載「自遊森活」手機應用程式　深入探索荔枝窩、梅子林及蛤塘】
  2023 年 3 月 16 日 (星期四)
參考資料
Follow 港大港永續
想去荔枝窩玩，又想行埋梅子林及蛤塘？呢三條客家村落處處充滿文化特色，又有豐富嘅生態資源，當然值得一步步慢慢了解，但係想隨時隨地搵人導賞講解唔係一件容易嘅事，點算好呢？
「森林村落︰梅子林及蛤塘永續鄉村計劃 」早前推出「自遊森活」手機應用程式，讓大家到訪荔枝窩、梅子林及蛤塘嘅時候，可以透過自助導賞嘅方式，與三條村嘅在地景點進行多元化互動，深入探索自然生態及體驗客家生活文化。「自遊森活」手機應用程式有三個核心功能：
1. 「自助遊」導賞地圖：
透過定位地圖，你可以隨意探索荔枝窩、梅子林及蛤塘三條村落。導賞地圖同時設有歷史文化、自然生態、藝術文化等特色景點嘅資訊欄，讓你輕鬆了解村落各種面貌。
2. 「森林村落叢中尋」野外定向遊戲：
設有幾條路線，你可以根據遊覽時間及步行能力，自行選擇遊戲路線，前往各個遊戲點完成任務，達到指定分數更有機會獲得獎品。透過喺村中盡情探索，希望你能夠深度體驗村內嘅自然氣息及人文特色，成為森林村落守護者！
3. 「留下你最美好的蛤塘及梅子林回憶」照片分享：
除咗欣賞其他遊覽者分享嘅相片之外，歡迎向大家分享你喺遊歷過程中嘅難忘回憶。
請即透過Google Play或Apps Store 搜尋「自遊森活」，或click入以下連結下載應用程式：https://ccsg.hku.hk/forestvillage/appdownload
喺遊覽呢三條村落嘅時候，你可能會留意到村落不同位置掛咗下圖所顯示嘅精緻小盒，佢地就係「自遊森活」藍牙感應裝置，內置一套藍牙感應器，配合「森林村落叢中尋」野外定向遊戲嘅運作。裝置以立體打印技術製作，輕身耐用，並減少物料嘅浪費。裝置表面更特別設有五個小孔來增添生態功能，進行 #昆蟲酒店 實驗！小孔其實係通向木盒內部嘅細小管道，嘗試為獨居蜂提供棲息空間。
注意：由於藍牙感應裝置以遠距離非接觸式運作，大家切勿觸碰，以免影響感應器穩定度及干擾正使用昆蟲酒店嘅生物。
相關文章
永續鄉郊
【#鄉郊活化案例：運用設計思維開發保溫睡袋拯救鄉村早產兒】
   2023/09/21

三個月前，我哋中心為來自北京、台灣、泰國同香港嘅Urban-Rural Sustainability Fellows舉辦咗Hackathon Camp，當中運用了#設計思維（Design Thinking）嘅概念框架，幫助參加者構思鄉村活化項目。究竟設計思維可以點樣幫到鄉村地區？等我哋同大家分享一個美國案例。 Design Thinking係史丹福大學設計學院提出的思維模型，用嚟激發創意，解決問題。設計思維 包括五個步驟：同理 (Emphathize)、定義需求 (Define)、創意構思 (Ideate)、製作原型 (Prototype) 和測試 (Test)。喺史丹福設計堂上，Jane Chen同隊友們被指派做出一個比傳統嬰兒保溫箱成本低99%嘅嬰兒保溫箱。 由於設計思維引導佢哋喺解決問題之前要仔細觀察，帶著同理心去思考，從而更有效地體貼人嘅需求，所以Jane Chen同隊友們專程探訪尼泊爾和印度。Jane發現當地嘅鄉村有大量早產和低體重嘅嬰兒因為體溫過低而死亡，或引發長期後遺症。現代嬰兒保溫箱能有效地為嬰兒保暖，但造價高昂，而且多數只喺城市有提供，普通農村家庭難以受惠。 Jane Chen同隊友們明白這些農村家庭需要嘅係不需要長期插電，並且便於攜帶嘅嬰兒保溫箱，所以佢哋返到史丹福之後，喺市面上廣泛搜羅嬰兒用品。隊員們一齊集思廣益之下，做咗「Embrace Warmer」嘅產品雛型。其設計雖然看似簡單，實際上内有乾坤。Embrace Warmer嘅核心科技是一塊蠟，蠟嘅熔點是攝氏37C，即一般人嘅體溫，且在融化後能維持恆溫長達8小時。因為呢個產品嘅價格優惠、操作簡單易用，令鄉郊嘅BB都可以保暖，而呢個由 設計思維 製作出嚟嘅保溫箱就成功拯救了超過四十萬個小生命，幫助佢哋活出健康人生。 我哋有部分Urban-Rural Sustainability Fellows參與咗我地嘅Urban-Rural Sustainability Action Proposal Competition，競逐種子基金將創意化為實踐。比賽已經進入決賽階段，賽果將於「永續鄉郊－亞太區合作計劃」嘅網頁（https://ccsg.hku.hk/airi/）公布，大家可以密切留意呀~ #設計思維 #永續鄉郊亞太區合作計劃 #香港大學 #永續發展 #可持續發展 #鄉郊活化 #DesignThinking #AIRI #HKU #CCSG #SustainableDevelopmnt #Sustainability #RuralRevitalisation

閱讀更多
永續鄉郊
【#長知識系列：「#本地生態概覽」課程帶你考察「蜻蜓天堂」和「雀鳥天堂」，並進行郊野公園生態調查】
   2023/10/27

好多朋友會疑惑，究竟值不值得花時間學習本地生態？其實學習生態唔單止可以讓我哋與大自然連結從而提升身心靈健康，對於就業其實都好有幫助。生態調查相關嘅工作機會喺香港其實有好多，不論環境影響評估，抑或係協助環團做一啲鄉郊保育工作，都好多時需要做基線生態調查。如果你打算去商業公司搵工，#ESG（Environmental, social, and corporate governance）同 #TNFD （The Taskforce on Nature-related Financial Disclosures）你又有冇聽過？佢哋都同生態相關嘅數據同埋知識有關。其實了解本地生態，喺現時全球氣候急劇變化嘅情況下，係一種好重要嘅知識同技能。 永續社區學院「本地生態概覽」課程係香港少有教授生態學理論及實地生態調查嘅短期課程，今屆將由蘇博士任教。蘇博士將會帶你親身探索沙螺洞、米埔及后海灣，同埋龍虎山和薄扶林郊野公園，幫助你深入認識香港陸、海、空不同嘅棲息地和生物，包你大開眼界！ 「蜻蜓天堂」沙羅洞擁有香港罕見嘅淡水濕地，生態價值極高，但當地生態卻曾經多次受到破壞，政府決定與業主沙螺洞發展有限公司以「非原址換地」方式保育沙羅洞。課程將會帶大家實地了解沙羅洞嘅生態重要性和保育歷程，探討當中嘅挑戰，並展望未來嘅前景。 米埔及后海灣濕地係國際級「雀鳥天堂」，每年冬季都有數以萬計水鳥前來渡冬，而呢度亦都係香港塘魚養殖業的集中地。課程將會考察這裡豐富多樣嘅濕地生境，認識濕地保育措施，並探討呢一帶面對嘅發展壓力。 課程仲會帶大家到龍虎山和薄扶林郊野公園研究植被演替。學員將會實地進行生物多樣性調查，然後分析數據並匯報結果，磨練生態研究的技能。 詳情請瀏覽課程網頁：https://ccsg.hku.hk/en/academy/introduction-to-local-ecology/ #香港大學 #社區 #永續發展 #可持續發展 #本地生態 #生態保育 #生物多樣性 #持續進修基金 #永續社區 #永續社區學院 #HKU #CCSG #Community #SustainableDevelopmnt #Sustainability #LocalEcology #EcologicalConservation #Biodiversity #CEF #SustainableCommunities #AcademyforSustainableCommunities

閱讀更多
永續鄉郊
【#支持本地農業：香港都可以有自己嘅「30·30願景」嗎？🔭】
   2023/03/28

我哋餐桌上嘅食物大多數依賴進口。根據漁農自然護理署嘅統計，儘管香港每日平均生產超過40公噸新鮮蔬菜，也僅能滿足占全港所需嘅1.6%；以我哋經常食用嘅輔料作物 #生薑 為例，根據統計，香港一年就從外地入口超過190公噸嘅新鮮薑。由外地進口農產品需長距離運輸，不僅增加咗「食物里程」嘅碳足跡，也容易導致農產品損壞造成浪費。 同香港情況相類嘅新加坡，一樣面對著相同挑戰。耕種土地稀缺，食物高度依賴進口，新加坡高度關注食物供應和安全議題。為咗提高自給率，喺2019年新加坡政府就提出「30·30願景」，希望到2030年，自產農產品可以滿足到全國民眾30％嘅營養需求（其中蔬菜20%、雞魚蛋白質10%）。 喺本地，關注本地農業生產嘅註冊非牟利慈善團體「綠田園基金 Produce Green Foundation 」就本港嘅蔬菜自給率做出估算，並指出香港目前菜場嘅面積為298 公頃，年產16,300公噸蔬菜。 如果將香港目前棄耕嘅3,794 公頃農地全面復耕，香港蔬菜自給率就可以由現時嘅2%，提升至27%。 如果可以減少食物浪費，自給率提升至40%亦大有可能！ 由此推論，就算我哋未能做到100%自給率，其實都可以透過各種農業措施大大提升本港新鮮農產品嘅生產量，去滿足市民需求，只係暫時我哋未能完全解鎖本地農業生產嘅潛能。 你又對提高本地食物自給率有咩睇法呢？不妨留言話俾我哋知！ https://www.youtube.com/watch?v=eVuMNRoH4p4 #永續農業 #永續鄉郊 #永續農業實驗農場 #SustainableAgriculture #RuralSustainability #HKU #CCSG

閱讀更多