本中心致力以知識為本的方式，透過社區協作追求永續發展。我們研發並試驗行動方案，帶動系統性改革，藉著推行具影響力的項目，使社會步向永續發展。
永續的議題不止限於環境（Environment）的範疇上﹐社會（Social）、經濟（Economy）以及管治（Governance）等面向也包括其中。
本中心精心製作一連四集名為「『續』語有云」的影片﹐此系列的影片分別圍繞社會創新、多元協作、 持分者參與及賦權和重新思考社會資源運用﹐這四個核心及緊扣的方式來探討中心如何推動本地的永續發展。中心希望引發大眾重新思考作為社會的一員﹐如何參與其中。
續語有云第一集 機會永續篇
第一集由主持人帶大家了解自閉症患者啟揚如何透過「賽馬會共融．知行計劃」為殘疾人士而設的職業配對平台，令自己的藝術創作被看見，一展所長之外同時推動本地共融就業。
續語有云第二集 資源永續篇
由主持帶大家走訪西營盤﹐一齊飲飲食食，尋找「回憶嘅味道」。仲俾佢搵到由滙豐銀行慈善基金支持嘅「滙創永續」計劃入面其中之一個資助項目得主「 糕點時光 Time To Gold 」﹐了解創辦人點樣發揮創意，將傳統糕點結合時下流行趨勢，令經典得以傳承落去。佢哋亦善用社會上閒置嘅人力資源，為金齡婦女提供自我增值嘅機會，可以趁空餘時間重燃起自己嘅興趣，融入新掌握到嘅知識、技能同埋已有經驗去創造自我價值。
續語有云第三集 商界永續篇
主持人帶大家走入商業嘅世界﹐搵嚟 商界永續發展計劃（PSLB）入面「永續價值鏈承諾及永續企業家中小企嘉許計劃」嘅參與企業﹐包括建築顧問公司 ARTA Architects同南豐集團傾下偈了解一下大企以及中小企喺推進本地永續嘅議題上面擔任嘅角色同埋點樣可以聯手係呢個千變萬化嘅營商環境入面做得更多、更好同更快。
續語有云第四集 城鄉永續篇
嚟到「『續』語有云」系列嘅最後一集， 主持人會帶大家走入鄉郊﹐除咗親身體驗客家文化，仲會介紹鄉郊保育計劃如何為村落帶來改變。平時除咗行街、睇戲、食飯之外，不妨搵日踏足隱世村落，與大自然連結，為身、心、靈充一充電。