港大港永續

上回同大家分享咗企業永續風險披露框架「自然相關財務披露工作組」（TNFD）如何突顯國際間對生物多樣性呢個議題嘅重視﹐同埋加強咗企業喺呢方面嘅責任。上年2022年尾舉行嘅聯合國「#生物多樣性大會」COP15﹐亦都促成咗一個被喻為同《巴黎協議》有著同等意義嘅里程碑。大家可以睇圖了解「昆明-蒙特利爾全球生物多樣性框架」入面幾個突破性嘅重點。 香港政府2016年亦有首次發佈《#生物多樣性策略及行動計劃》﹐制定2016至2021年加強保育生物多樣性、支持本港嘅可持續發展﹐香港嘅商界都有積極參與。當時香港總商會仲作出正面回應﹐表達重視生物多樣性嘅保育﹐以及提出商界係推動呢方面進程嘅重要持份者之一。 商會列出數個重點表達企業如何參與﹐包括加強企業﹐尤其係中小企對生物多樣性有關嘅知識及潛在風險嘅認知﹐企業對相關風險嘅意識會主導佢哋嘅決策以及對未來發展嘅規劃。另外﹐亦期望政府能夠加強唔同部門嘅溝通﹐等相關新政策出台時能夠集合唔同界別嘅考量﹐制定出更全面嘅政策方向俾業界跟從。 睇番最近政府發表新一年度嘅財政預算案﹐當中都有提及政府有意發展 #綠色金融，為各項環保項目募集更多資金﹐不過環保團體就表示呢啲舉措需要配合相應監管措施﹐以減少「漂綠」嘅機會。例如機管局就擴建第三條跑道發行綠債，被綠色金融嘅國際環保組織Reclaim Finance發聲明質疑項目將破壞生物多樣性及破壞環境，係有潛在「漂綠」嘅風險。(咩係 #漂綠: https://bit.ly/43FhAhO) 此外，財政預算案亦提到，政府已就建造一千公頃嘅交椅洲人工島填海範圍、土地用途、交通基建、財務安排等提出初步建議，並展開公眾參與。但面對龐大填海造地計劃，絕對有可能對水質、生態同埋漁業造成不可逆轉嘅破壞。我地喺唔喺需要有更長遠嘅海洋空間規劃，以實現城市發展、民生保障和生態保育並存呢？作為其中一個持份者，唔知大家又點睇當中嘅機遇同風險？

三個月前，我哋中心為來自北京、台灣、泰國同香港嘅Urban-Rural Sustainability Fellows舉辦咗Hackathon Camp，當中運用了#設計思維（Design Thinking）嘅概念框架，幫助參加者構思鄉村活化項目。究竟設計思維可以點樣幫到鄉村地區？等我哋同大家分享一個美國案例。 Design Thinking係史丹福大學設計學院提出的思維模型，用嚟激發創意，解決問題。設計思維 包括五個步驟：同理 (Emphathize)、定義需求 (Define)、創意構思 (Ideate)、製作原型 (Prototype) 和測試 (Test)。喺史丹福設計堂上，Jane Chen同隊友們被指派做出一個比傳統嬰兒保溫箱成本低99%嘅嬰兒保溫箱。 由於設計思維引導佢哋喺解決問題之前要仔細觀察，帶著同理心去思考，從而更有效地體貼人嘅需求，所以Jane Chen同隊友們專程探訪尼泊爾和印度。Jane發現當地嘅鄉村有大量早產和低體重嘅嬰兒因為體溫過低而死亡，或引發長期後遺症。現代嬰兒保溫箱能有效地為嬰兒保暖，但造價高昂，而且多數只喺城市有提供，普通農村家庭難以受惠。 Jane Chen同隊友們明白這些農村家庭需要嘅係不需要長期插電，並且便於攜帶嘅嬰兒保溫箱，所以佢哋返到史丹福之後，喺市面上廣泛搜羅嬰兒用品。隊員們一齊集思廣益之下，做咗「Embrace Warmer」嘅產品雛型。其設計雖然看似簡單，實際上内有乾坤。Embrace Warmer嘅核心科技是一塊蠟，蠟嘅熔點是攝氏37C，即一般人嘅體溫，且在融化後能維持恆溫長達8小時。因為呢個產品嘅價格優惠、操作簡單易用，令鄉郊嘅BB都可以保暖，而呢個由 設計思維 製作出嚟嘅保溫箱就成功拯救了超過四十萬個小生命，幫助佢哋活出健康人生。 我哋有部分Urban-Rural Sustainability Fellows參與咗我地嘅Urban-Rural Sustainability Action Proposal Competition，競逐種子基金將創意化為實踐。比賽已經進入決賽階段，賽果將於「永續鄉郊－亞太區合作計劃」嘅網頁（https://ccsg.hku.hk/airi/）公布，大家可以密切留意呀~ #設計思維 #永續鄉郊亞太區合作計劃 #香港大學 #永續發展 #可持續發展 #鄉郊活化 #DesignThinking #AIRI #HKU #CCSG #SustainableDevelopmnt #Sustainability #RuralRevitalisation

喺台灣，當地政府同民間團體一直都積極推動共融就業。而一間嚟自台灣嘅社會企業 — 若水國際 就係當中嘅佼佼者。呢間企業主要培訓同聘請輪椅人士以及因行動不便只能在家工作人士，為顧客提供AI數據同BIM (Building Information Modelling) 整合服務。公司除咗確保辦公室設有無障礙設施，仲會為員工組織活動促進良好溝通同照顧佢哋嘅心靈健康。 到目前為止，若水國際已經為超過200名行動不便人士提供培訓同就業機會，激勵到唔少同樣支持共融就業嘅同行者。究竟呢間社企提供咗啲咩軟性同硬性配套俾員工支持佢哋嘅身心靈健康，同配合佢哋嘅職場需要呢? 大家快啲click入以下文章參考下啦！ #香港大學 #永續生活 #永續發展 #HKU #CCSG #香港賽馬會慈善信託基金 #香港大學公民社會與治理研究中心 #賽馬會共融知行計劃 #聚創樂融計劃 #共融就業 #SocialInclusion #PeopleWithDisabilities #殘疾人士 #多元人才 #職涯規劃 #生涯規劃 #輪椅人士 #共融職場 #台灣社企 #若水國際 #無障礙職場

成日聽到政府為咗減少對環境嘅破壞，規管企業同個人嘅行為，向佢哋收取返污染所產生嘅成本，但你有冇諗過喺公司內部都可以做到類似嘅機制呢？ 喺氣候變化下，各國所訂立嘅 #碳中和 目標都令減碳成為焦點。近年來，越嚟越多公司開始將內部唔同嘅部門設定為管制對象，向佢哋收取碳排放費用，亦即係 #內部碳定價（Internal Carbon Pricing）。 內部碳定價同好多其他環保徵費一樣，都係採用咗 #污者自付 嘅原則，主要目標喺將減碳誘因傳遞到公司內部每一個部門、每一個員工身上，讓公司內部不同階層嘅同事都更了解到所做嘅商業決定對環境產生嘅影響。簡而言之，就係希望透過經濟誘因，促使公司減少同管理碳排放，同時亦都可以推動創新，研發更低碳嘅生產流程、內部供應鏈等，幫助企業邁向綠色轉型。 內部碳定價都分咗幾種形式，而最常見嘅就係「#影子碳價」（Shadow Price）同「#內部碳費」（Internal Carbon Price）。前者係公司就佢哋嘅投資喺未來所造成嘅碳排放作出碳定價估值，主要係作為內部參考，幫助企業量化評估不同方案嘅環境效益，推動低碳決策。至於「內部碳費」就係向公司內部唔同部門或者業務單位收取佢哋喺營運所排放溫室氣體嘅碳費，以經濟誘因激勵各個部門或業務單位採取減排措施。 呢個做法喺商界都越嚟越普遍，根據國際CDP組織 (前身為Carbon Disclosure Project，碳披露計劃) 喺2021年嘅報告，全球已經有超過 800家企業實施內部碳定價，同時亦都有 1,159 家企業話會喺兩年內推行。推行呢個措施嘅公司都不乏一啲大型跨國企業，包括 #微軟 就早喺2012年實施「內部碳費」，收費範圍包括公司直接排放，喺2019年仲擴大到企業價值鏈！佢哋仲會將收集到嘅費用投資喺提升能源效率、碳抵銷、購買綠色能源等，進一步推動減碳。而跨國消費品公司 #聯合利華 亦都會用「影子碳價」為總投資超過100萬歐元嘅項目進行碳價估值。至於香港，都有公司開始留意到內部碳定價嘅趨勢！#太古集團 喺今年都試行咗內部碳定價，包括向佢哋旗下嘅公司收取「內部碳費」，並將資金重新投資到減碳嘅業務上。而「影子碳價」都會適用於太古未來嘅重要投資項目。#煤氣公司 亦都話正在研究同計劃分階段實施內部碳定價。 其實喺減碳嘅大環境下，內部碳定價唔單止為環境出一分力，更加有助企業準確評估同有效管理佢哋嘅溫室氣體排放量，減低公司嘅過渡風險 (Transition Risk)，為未來可能實施嘅碳稅、碳徵費等環境政策做好準備，建立企業碳風險嘅管理能力同應對氣候變化嘅業務抗禦力，提升企業長遠競爭力！

隨住永續發展成為當今嘅熱門趨勢，各大企業都開始投放資源，為積極做好永續風險管理各出奇謀﹐不過實際成效不時存疑﹐因此漂綠（Greenwashing） 一詞就係嚟形容企業將自己嘅經營情況、產品或者服務包裝到比實際情況更永續﹐透過未經證實、誇大，甚至乎虛假信息去營銷所謂嘅環境效益。而企業當然除咗環境效益（E），都可以誇大佢哋對社會（S）嘅貢獻（Social washing）。 什麼是Greenwashing: https://bit.ly/greenwashingwhatisit 為咗打擊Greenwashing呢種混水摸魚嘅行為，歐盟係今年三月宣布新法案﹐規定企業嘅永續聲明需要由獨立機構驗證及進行監管﹐違規嘅話就會引嚟法律責任及懲罰。喺新局面下，好多企業對於有機會被矇上漂綠罪名都聞風喪膽﹐所以就出現咗一個新詞 #Greenhushing 去形容企業都寧願講少啲都好過講錯﹐以避免被公開審查、指控、索賠，佢哋會變得謹慎並且有可能會選擇隱藏呢方面嘅努力。 當然企業謹慎啲係好事﹐不過小編就覺得無論係Greenwashing抑或Greenhushing，都可能對推動企業永續轉型造成反效果。不論係分享失實嘅資訊甚至係唔分享資訊，對消費者而言都會影響咗消費嘅透明度﹐令消費者更難去選擇環保嘅產品﹐或者了解到佢地消費呢個舉動對環境帶嚟乜野影響從而更理性地消費。 而對整個行業嚟講﹐企業分享永續數據、知識或成就都可以帶動良性嘅競爭﹐就好似 #屈臣氏蒸餾水 於2015年成為首間使用100%再造塑膠為樽身物料嘅公司﹐呢個消息發佈以及當中嘅知識分享都帶動到其他行內競爭對手去考慮轉用更環保嘅物料﹐透過整個行業嘅變革先可以為回收塑膠製造一個有利可圖嘅市場﹐實踐 #循環經濟。 而解決Greenhushing方法可以由營銷者做起﹐讓佢哋得到更全面嘅永續知識培訓，以便佢地明白不同永續發展術語之間嘅概念，並且配合專業嘅機構進行全面嘅數據收集及求證先至作公開分享﹐呢啲都係其中一啲方法避免漂綠。 唔知大家又有無其他建議可以避免漂綠呢？

家居風水佈局就成日聽到，但對於以前鄉村居民而言，佢哋就要依照環山抱水佈局建村！村民相信喺村後保留樹林會帶來好風水，稱之為「風水林」。#風水林 (Fung Shui Wood) 喺華南地區特有嘅人文景觀，通常呈月牙形環抱民居田野，作為村落嘅天然屏障。風水林的林木部分是天然生長，亦有村民種植嘅品種。 風水學說中最忌諱伐樹，認為巨樹有靈會保佑村落，樹木生長旺盛會帶旺村落嘅發展。樹林在村民的庇護下年復年地生長，形成了成熟而物種豐富嘅樹林，為野生動物提供優質嘅棲息地同飯堂。而且有啲低地嘅樹品種，因為生境受破壞而越嚟越少見，但都喺風水林被完好保存。所以風水林有好高嘅生態價值！ 風水林真的能聚財擋煞？原來亦有科學解釋。地理層面而言，樹木會防止水土流失、預防山泥傾瀉。經濟方面，風水林更提供咗天然資源畀村民日常所用，包括有經濟價值嘅果樹，如荔枝、龍眼、大樹菠蘿等；有入藥治病嘅品種，如毛果算盤子、九節、火炭母；同埋製作家具嘅木材，如五月茶、鵝掌柴等。風水林更有調節微氣候功能，炎夏時可降低村落嘅溫度，寒冬時又可以緩和北風。 森林村落︰梅子林及蛤塘永續鄉村計劃 嘅梅子林、蛤塘村後都屹立著茂盛嘅風水林，遊覽時記得唔好錯過呢個特色嘅景點！ 參考資料： 1. 葉國樑、魏遠娥、葉彥、廖家業、黎存志 (2004)。《風水林》。郊野公園之友會、漁農自然護理署及天地圖書有限公司。香港。