港大港永續

今次職務概要系列介紹嘅職位係「#寵物美容助理」！而家唔少寵物美容店不但止提供基本寵物沖涼清潔同修剪毛髮服務，仲有洗牙、SPA、上門接送、乃至寵物訓練等漸趨人性化嘅多元周邊服務。甚至寵物美容師都唔一定係全職工作，反而係以 #freelance（自由職業）形式接單，例如某啲客人屋企開派對、影家庭照，都會搵美容師上門幫愛寵梳妝扮靚．工作時間更具彈性。 作為寵物美容從業員，無特定嘅學歷要求，反而需要有「心」。立即click入下面片段，聽吓寵物美容導師Carrie分享「寵物美容助理」呢個入門職位嘅工作日常；同埋喜歡動物嘅殘疾人士如果想入行嘅話，要有邊4個「心」啦~ 大家亦可以點擊以下連結，瀏覽及下載我哋最新推出嘅「寵物美容助理職務概要」（圖文版），喺入面可以搵到寵物美容助理嘅工作內容、上班模式、平均薪酬等資訊，仲可以知道邊度有得報讀相關培訓課程添！ https://shorturl.at/krILW ==================== 「賽馬會共融．知行計劃 －聚創樂融計劃」推出職務概要系列，按新興行業中，個具發展潛力嘅入門職位，制定職務概要，讓殘疾人士同埋照顧者了解唔同工種嘅性質、未來發展前景同相關培訓課程等資訊，擴闊佢哋嘅就業想像，唔再侷限於傳統勞動行業。 想睇埋其他嘅職務概要? 可以㩒入計劃網站: https://platformforinclusion.hk/sharing/JobProtocol #香港大學 #永續生活 #永續發展 #HKU #CCSG #香港賽馬會慈善信託基金 #香港大學公民社會與治理研究中心 #賽馬會共融知行計劃 #聚創樂融計劃 #共融就業 #SocialInclusion #PeopleWithDisabilities #殘疾人士 #多元人才 #職涯規劃 #生涯規劃 #特殊教育需要 #SEN #JobProtocol #職務概要 #共融職場 #裝備自己 #培訓課程 #寵物美容 #寵物店 #PetGroomer

石油氣一直與香港人嘅生活息息相關。你有冇諗過依類傳統能源行業如何跟永續營商扯上關係？泗和棧堅守本業之餘，仲喺創新、職場文化上落左唔少功夫，等我哋一齊嚟探討佢哋嘅故事啦！ 泗和棧有限公司於1976年成立，主要經營樽裝石油氣（LPG）、管道石油氣（piped LPG）及廚房爐具設備。該企業秉持以客戶為中心及積極創新嘅宗旨，推動橫向發展，後期甚至涉足廚房和浴室設計。泗和棧石油工程有限公司董事總經理兼皇冠爐具（集團）有限公司董事李蔓瑩（Joyce）強調「安全系數」係佢哋對員工同客戶嘅首要考量。自1992年起，泗和棧亦已採用電腦化操作，以記錄顧客資料、維修保養紀錄、石油氣錶讀數等各項數據，從而提高客戶便利性、數據管理同營運效率。 隨著再生能源漸趨普及，泗和棧預計石油氣相關產業會逐漸式微。該企業為此逐步轉型並開拓新的業務，透過學徒制培育年輕人才、歡迎傷健人士加入佢哋嘅團隊，並藉著與碧瑤（綠色集團有限公司）等公司展開跨界別協作，為永續發展做出貢獻。 想了解更多就千祈唔好錯過泗和棧喺永續營商嘅小貼士！即刻撳入以下嘅連結，閱讀完整版嘅《企業實踐案例》！ https://ccsg.hku.hk/pslb/zh/szewochaan_chi/ #永續營商 #中小企 #永續價值鏈 #永續發展 #商界永續發展領袖計劃 #pslb #svc #businesssustainability #sustainabilityleadership #sustainability #business #sme #collaboration #sustainablevaluechains #sdgs #undp #HSBC

你有無諗過原來律師嘅事務除咗關乎公義，仲可以同永續發展擦出火花？JC Legal嘅創辦人Janice Chew喺採訪嗰陣同我哋分享過一句深刻嘅感悟：「我一直深信，做每一件事，都要用『心』去做。為做而做沒意思，你不會做得好。」 有心但點樣去將喺ESG呢幾方面實踐係企業入面呢？喺2020年，JC Legal就參與咗「釋前就業計劃」，為一名青少年在囚人士提供為期六個月嘅行政助理機會。JC Legal亦透過慈善機構「愛．傳遞」基金會支持有特殊教育需求和自閉症人士就業。Janice強調，真正嘅包容需要周詳規劃以及長期承諾，不能只憑好意。 想知道更多JC Legal嘅永續營商策略，就撳入下面嘅連結，閱讀完整版嘅《企業實踐案例》啦！ https://ccsg.hku.hk/pslb/zh/jc-legal_chi/ #永續營商 #中小企 #永續價值鏈 #永續發展 #商界永續發展領袖計劃 #pslb #svc #businesssustainability #sustainabilityleadership #sustainability #business #sme #collaboration #sustainablevaluechains #sdgs #undp #HSBC

好多朋友會疑惑，究竟值不值得花時間學習本地生態？其實學習生態唔單止可以讓我哋與大自然連結從而提升身心靈健康，對於就業其實都好有幫助。生態調查相關嘅工作機會喺香港其實有好多，不論環境影響評估，抑或係協助環團做一啲鄉郊保育工作，都好多時需要做基線生態調查。如果你打算去商業公司搵工，#ESG（Environmental, social, and corporate governance）同 #TNFD （The Taskforce on Nature-related Financial Disclosures）你又有冇聽過？佢哋都同生態相關嘅數據同埋知識有關。其實了解本地生態，喺現時全球氣候急劇變化嘅情況下，係一種好重要嘅知識同技能。 永續社區學院「本地生態概覽」課程係香港少有教授生態學理論及實地生態調查嘅短期課程，今屆將由蘇博士任教。蘇博士將會帶你親身探索沙螺洞、米埔及后海灣，同埋龍虎山和薄扶林郊野公園，幫助你深入認識香港陸、海、空不同嘅棲息地和生物，包你大開眼界！ 「蜻蜓天堂」沙羅洞擁有香港罕見嘅淡水濕地，生態價值極高，但當地生態卻曾經多次受到破壞，政府決定與業主沙螺洞發展有限公司以「非原址換地」方式保育沙羅洞。課程將會帶大家實地了解沙羅洞嘅生態重要性和保育歷程，探討當中嘅挑戰，並展望未來嘅前景。 米埔及后海灣濕地係國際級「雀鳥天堂」，每年冬季都有數以萬計水鳥前來渡冬，而呢度亦都係香港塘魚養殖業的集中地。課程將會考察這裡豐富多樣嘅濕地生境，認識濕地保育措施，並探討呢一帶面對嘅發展壓力。 課程仲會帶大家到龍虎山和薄扶林郊野公園研究植被演替。學員將會實地進行生物多樣性調查，然後分析數據並匯報結果，磨練生態研究的技能。 詳情請瀏覽課程網頁：https://ccsg.hku.hk/en/academy/introduction-to-local-ecology/ #香港大學 #社區 #永續發展 #可持續發展 #本地生態 #生態保育 #生物多樣性 #持續進修基金 #永續社區 #永續社區學院 #HKU #CCSG #Community #SustainableDevelopmnt #Sustainability #LocalEcology #EcologicalConservation #Biodiversity #CEF #SustainableCommunities #AcademyforSustainableCommunities

中秋節就啱啱過咗，月餅款式愈黎愈多，大部分嘅月餅廣告都打住「香港製造」嘅旗號。製作就係香港製作，但材料呢？ 要係香港搵到 #香港種植 嘅原材料談何容易，選擇不多，成本高，令很多廠商都卻步。由HKU-CCSG 推動成立的香港品牌「本地種植」首次推出月餅，出盡力氣搜羅本地種植嘅原材料。佢地為製造出嚟嘅月餅做咗個統計， 以材料重量計算，直接來自本地農場既材料佔20%、另有25%嘅材料來自本地廠房/ 老字號的製品。雖然本地原材料的成份仲未做到過半，但由月餅嘅製作過程、包裝盒嘅設計加埋印刷等都盡力做到 「香港製造」。 香港的食品供應依賴外地進口，進口食品佔整體食品供應的九成，因貨物運輸產生嘅碳排放十分高，本地生產蔬菜供應的比率佔全港不夠百分之二。有研究指香港的人均碳排放量，高達29公噸，遠高於全球人均碳排放量的6.5公噸。選擇本地生產嘅原材料和食品，可以大大減低運輸過程的碳排放，仲可以支持本地農業發展，穩定本地食物供應；維持社區更多元嘅經濟模式，增加本地就業機會。 想支持本地製造本地種植嘅農產品？記得follow LoCoFARMS 本地種植 嘅社交平台，留意佢哋推出嘅產品喇!

隨著近年多咗人關注 #本地農業，農業發展與 #生態保育 的關係亦受到更多人重視。喜歡依附稻田生活嘅「米魚」以前曾廣泛分布於本港，但係自1970年後，隨著城市迅速發展，農業式微，加上食蚊魚等外來魚類入侵，本地米魚數量急劇減少，一度面臨滅絕危機。生態學者點樣幫助佢地度過難關？ 弓背青鱂（別名：#米魚）係香港原生淡水魚類，多數生活喺水流較慢嘅地方，例如農田水道、蓄水池、小溪等。佢地以水中嘅昆蟲幼蟲、微生物以及藻類為食，屬於雜食性嘅魚類，但由於佢地體型細小（最大約四厘米），亦會被鳥類、魚類和兩棲類等更大型嘅捕食者捕食。米魚喺生態中有著連結嘅作用，維繫著生態系統的養分循環和能量流動。其進食藻類的習性亦有助遏止水體富營養化的問題。本港淡水生態學者 #蘇英健博士 Dr. Ken So喺2016年趁著 #荔枝窩 進行復耕，嘗試在荔枝窩復育米魚。 米魚自1990年左右已經絕跡荔枝窩（主要原因相信是長期棄耕導致棲地喪失和濕地變乾），Dr. So翻查文獻資料，推斷鎖羅盤米魚族群與荔枝窩米魚族群在基因上最為相似，於是從鎖羅盤帶了30多條米魚回實驗室繁殖，成功培育出穩定數量。為了準備把米魚野放到荔枝窩，Dr. So先於2017年將米魚放入載有荔枝窩泥土、水和植物的水盤，於室內環境飼養。確認米魚能適應後，再將佢地放入經改裝嘅膠箱，並將膠箱放在荔枝窩農田水道上游的蓄水池。膠箱特設網孔，讓米魚置身於自然池水，同時免受外來入侵的魚類攻擊。半年後，米魚存活率高達91%，Dr. So於是決定把米魚釋放到水池中。2018年Dr. So在荔枝窩野放的米魚約有220條，如今統計數字已達數千，而且米魚已經自然擴散到復耕農田的大部分水道，顯示復育計劃相當成功，亦反映生態保育與農耕活動可以相輔相成。 永續社區學院「#本地生態概覽」課程邀請到Dr. So任教。Dr. So致力於香港嘅生態教育和保育工作，擁有多年教學經驗。喺今期嘅課程中，Dr. So將會帶你認識香港不同嘅棲地和生物，教你做生態調查和分析，同你分享更多保育案例。即刻上課程網頁了解更多：https://ccsg.hku.hk/courses/introduction-to-local-ecology/（截止報名日期：2023年10月31日） #香港大學 #社區 #永續發展 #可持續發展 #本地生態 #生態保育 #生物多樣性 #持續進修基金 #永續社區 #永續社區學院 #弓背青鱂 #HKU #CCSG #Community #SustainableDevelopmnt #Sustainability #LocalEcology #EcologicalConservation #Biodiversity #CEF #SustainableCommunities #AcademyforSustainableCommunities #RiceFish